by مجاہد حسین، نیو ایج اسلام
دفاع پاکستان کونسل کی قیادت اچھی طرح جانتی ہے کہ پاکستان کی روایتی انتخابی سیاست میں اُس کی جگہ نہیں ہے اور وہ اپنے مسلح اور تربیت یافتہ مجاہدین اور فدائین کے ذریعے آسانی کے ساتھ اقتدار حاصل نہیں کرسکتی۔ دفاع پاکستان کونسل کی قیادت کو اچھی طرح علم ہے کہ پاکستانی فوج کی اعلیٰ قیادت پاکستان میں متشدد مذہبی انقلاب سے بدکتی ہے اور ابھی فوج میں ایسے لوگوں کی تعداد بہت کم ہے جو مبینہ طور پر حزب التحریر سے جڑے بریگیڈئر علی خان جیسا سوچتے ہیں اور اپنے سوچے ہوئے پر عمل کرنے کی کوشش کرتے ہیں۔ یہی وجہ ہے کہ ہمیں بعض اوقات متشدد دائیں بازو کے اخبارات و رسائل میں ایسے مضامین دیکھنے کو ملتے ہیں جن میں اس بات پر بھرپور تاسف کا اظہار کیا گیا ہوتا ہے کہ پاکستان کی فوج میں محمد بن قاسم جیسے لوگوں کی کمی کیوں ہے۔ پاکستانی فوج کی قیادت کا اجتماعی تاثر سیکولر کیوں ہے اور پاکستانی فوج عالم اسلام کی فوجی قیادت کا مقدس فریضہ کیوں ادا نہیں کرتی۔ حالاں کہ براس ٹیک نامی جذباتی ادارے کی طرف سے اب ایسی کتب بھی شائع ہونے لگی ہیں جن میں پاکستانی فوج کی قیادت کو اس بات پر اُکسایا جاتا ہے کہ اگر پاکستان بھارت پر ایٹمی حملہ کردے اور ساتھ ہی اپنے دور مار میزائل کی مدد سے ایران کے ساتھ گٹھ جوڑ کرکے روئے زمین پر شیطانیت کے مرکز اسرائیل پر بھی ایک چھوٹا ایٹمی ہتھیار داغ دے تو دنیا میں ہر سو امن اور شانتی کا دور دورہ ہوجائے گا۔ اس کے بعد پاکستان دنیا بھر کے مسلم ممالک اور عوام کی آنکھ کا تارا ہوگا اور دنیا بھر کے کفار خاک چاٹنے پر مجبور ہوجائیں گے۔
http://newageislam.com/urdu-section/پاکستان---بڑھتی-ہوئی-کش-مکش-اور-مذہبی-قوتیں/d/7289
Categories : 
5:43 AM
Moderate Islamist here
0 comments:
Post a Comment