Pages

Showing posts with label حاصل. Show all posts
Showing posts with label حاصل. Show all posts

Tuesday, June 19, 2012

ضمیر کی آواز: چوتھی قسط, Urdu Section, NewAgeIslam.com

Urdu Section
ضمیر کی آواز: چوتھی قسط

زاہدہ حنا

میجر کلاڈ ایتھر لے ہیرو شیما پر ایٹم بم گرانے والے طیارے کا پائلٹ تھا۔ وہ ایک نوجوان پر جوش اور پوش امریکی تھا۔ اسے بتایا گیا تھا کہ جمہوریت ، انسانیت، امن پسندی اور وطن پرستی ایسی اعلیٰ اقدار کی ‘‘حفاظت’’ کے لئے اسے ‘‘ننہا لڑکا’’ نامی ایک بم ایک شہر پر گرانا ہے اور واپس آجانا ہے۔ وہ اپنے نشانے پر پہنچا ،اس نے ایک نظر شہر کو دیکھا ،اپنے ساتھی کو اشارہ کیا ، بم طیارے سےجدا ہوا، طیارہ واپسی کے لئے مڑا تو میجر ایتھر لے نے نیچے پھیلے ہوئے شہر پر نظر کی۔ اسے اپنی آنکھوں پر یقین نہیں آیا ۔ چند لمحوں کے اندر اندر وہ جیتا جاگتا شہر نابو د ہوچکا تھا۔ وہ اپنا ‘‘فرض’’ انجام دے چکا تھا۔ اس کے ساتھی اس بات پر پھولے نہیں سمار رہے تھے کہ انسانی تاریخ کے مہلک ترین ہتھیار کو سب سے پہلے استعمال کرنے کا اعزاز ا نہیں حاصل ہوا ہے جبکہ کلاڈ کا چہرہ زردتھا ، جبڑے بھنچے ہوئے تھے ۔ وہ سوچ رہا تھا کہ ننھے لڑکے تو اپنی شرارتوں سے لوگوں کو دل مو ہ لیتے ہیں، یہ بم کیسا ‘‘ننھا لڑکا’’ تھا جس نے چند سیکنڈ کے اندر اندرایک ہنستے بستے شہر کو راکھ کا ڈھیر بنادیا ۔ وہ فوجی اڈے پر پہنچا تو ہیرو تھا ۔ اس کے ساتھی، اس کے اس سفر پر اسے مبارکباد دے رہے تھے ،فتح کا جشن منارہے تھے لیکن وہ چپ چاپ ایک طرف کو جابیٹھا اور پھر اس نے کئی دن اور کئی رات کسی سے کلام نہیں کیا۔

میجر کلاڈ ایتھر لے بیسوی صدی کی امریکی تاریخ کا وہ باضمیر انسان ہے جس نے 6اگست 1945کو ہی جان لیا تھا کہ سیاستداں اور جرنیل ‘‘قرض شناسی’’ اور ‘‘وطن سے وفاداری’’ کے نام پر اس سے ایک ایسے بھیانک جرم کا ارتکاب کرانے میں کامیاب ہوگئے ہیں جس کے کرنے کا اس نے کبھی تصور بھی نہیں کیا تھا۔ وہ جاگتا رہتا تو اس کی آنکھوں میں ایک شہر کے صفحہ ہستی سے مٹ جانے کا منظر کھنچا رہتا اور سوتا تو اذیت کے جہنم میں جھلستےہوئے ہزاروں چہرے اسے اپنی طرف تکتے نظر آتے۔ ان کے کربناک چیخیں اس تک پہنچتیں اور وہ دیو انوں کی طرح سوتے سے اٹھ بیٹھتا ۔ انسانیت کا مجرم ہونے کا یہ احساس اسے دیمک کی طرح کھانے لگا ۔ تنگ آکر اس نے امریکی فضائیہ کی شاندار ملازمت ترک کردی اور پیٹ پالنے کے لیے معمولی نوکریاں کرنے لگا۔ ذہنی حالت بگڑی تو نفسیاتی معالجوں کے پاس گیا۔ ان ہی دنوں 1950میں امریکی صدر ٹرومین نے ایٹم بم سے کہیں زیادہ مہلک ہتھیار ‘‘ہائیڈروجن بم’’ بنانے کا اعلان کیا تو ایتھر لے پر ڈپریشن کا اتنا شدید دورہ پڑا کہ اس نے نیند کی گولیاں کھاکر خودکشی کی کوشش کی۔ دوسری مرتبہ اس نے اپنی کلائی رگیں کاٹ لیں لیکن بچالیا گیا ۔ اسی دوران وہ ہیروشیما کے ان ہسپتالوں کو وقتاً فوقتاً رقم بھیجتا رہا جہاں ایٹمی حملے کے متاثرین کا علاج ہوتا تھا۔ اس نے جاپانی ڈاکٹر وں، صحافیوں اور دانشوروں کو خط لکھے اور انہیں یہ باور کرانےکی کوشش کی کہ ہیرو شیما پر گرائے جانے والے بم کی ہولناکی اور تباہ کاری کی شدت سے وہ واقف نہ تھا۔ نادانستگی میں اس سے جس جرم کا ارتکاب ہوا اس کی اذیت نہ اسے دن کو چین لینے دیتی ہے اور نہ رات کو آرام کرنے دیتی ہے۔

http://newageislam.com/ضمیر-کی-آواز--پانچویں-قسط/urdu-section/d/2384


Friday, June 15, 2012

’اقبال سمّان’ کے خلاف بی جے پی کی مہم, Urdu Section, NewAgeIslam.com

Urdu Section
’اقبال سمّان’ کے خلاف بی جے پی کی مہم
آتمہ دیپ

جناح تنازعہ سے پریشان بی جے پی کے لیڈر گرجا شنکر شرما نے ایک اہم سوال اٹھایا ہے۔ انہوں نے ملک کی تقسیم کے لئے جناح کے ساتھ ’سارے جہاں سے اچھا ہندوستان ہمارا‘ ترانہ کے خالق علامہ اقبال کو بھی قصور ٹھہراتے ہوئے ان کے نام اقبال ایوارڈ دیئے جانے پر سخت اعتراض کیا ہے۔ یہ سالانہ ایوارڈ مدھیہ پردیش حکومت کی جانب سے 87۔1986 سے دیا جارہا ہے۔

مسٹر شرما نے وزیر اعلیٰ کو لکھا ہے کہ کانگریس کی موتی لال وورا سرکار نے مسلمانوں کی ناز برداری کی پالیسی کے تحت یہ ایوارڈ شروع کیا تھا۔ بی جے پی سرکار کو ا یسے شخص کی یاد میں ایوارڈ دینے کی کوئی ضرورت نہیں ہے، جس کی تصویر ایسے فرقہ پرست شخص کی ہے جس نے متحدہ ہندوستان کو فرقہ پرستی کی بنیاد پر تقسیم کر کے پاکستان بنانے کے لئے نقشہ تیار کیا۔ اقبال نے پاکستان کے تصور کوفروغ دیا اور ا س حالت می ں لئے گئے کہ کچھ ہی عرصے میں ان کا خواب پورا ہوگیا۔ اس لئے اقبال کے نام پر ہرسال دیا جانے والا دولاکھ روپے کا یہ انعام فو راً بند کردینا چاہئے۔

بی جے پی لیڈر نے اس سلسلے میں وزیر اعلیٰ اور وزیر ثقافت کو لکھنے کے علاوہ یہ معاملہ اسمبلی میں بھی دوبارہ اٹھایا ہے ۔ دونوں بار ان کی پارٹی کی سرکار کا مطالبہ تسلیم کرنے کو راضی نہیں ہوئی ۔پہلے جواب میں وزیر ثقافت لکشمی کانت شرما نے انہیں بتایا کہ اس معاملے کی جانچ جارہی ہے۔ مگر حکومت کی طرف سے ابھی تک اقبال ایوارڈ بند کئے جانے کا کوئی فیصلہ نہیں لیا گیا ہے۔ دوسرے جواب میں وزیر نے شرما کو بتایا ک کسی بھی ایوارڈ کو روکنے یا بند کرنے کی بلاوجہ کوشش کی گئی یا فیصلہ لیا گیا تو ملکی سطح پر اس کا رد عمل ہوسکتا ہے۔ ایسے ناپسند یدہ فیصلہ سے ریاستی حکومت کی شبیہ بھی متاثر ہوسکتی ہے۔ اس لئے سبھی ایوارڈ ز کو نہ صرف قائم رکھنے کی ضرورت ہے، بلکہ ان کے وقار کو اور بڑھانے کے لئے کوشش کرنی چاہئے ۔ وزیر ثقافت نے شرما کوجانچ کے نتائج سے باخبر کرتے ہوئے لکھا کہ مدھیہ پردیش حکومت کی طرف سے تخلیق ادب کے مختلف پہلوؤں کے لئے قائم کئے گئے مختلف ایوارڈ وں میں اقبال سمان بھی شامل ہے۔ یہ ایوارڈ 87۔1986 سے اب تک برابر دیا جارہا ہے۔ اردو ادب میں تخلیق کے لئے قائم یہ ایوارڈ ملک کا باوقار ایوارڈ ہے۔ اب تک اردو کے کئی ادباء وشعراء یہ ایوارڈ حاصل کرچکے ہیں۔ اسے بند کرنے کا کوئی سبب نہیں ہے۔ حکومت میں تبدیلی کے باوجود ان سبھی ایوارڈ وں کا وقار باقی ہے۔ کسی ایوارڈ کو روکنے پابند کرنے کا فیصلہ حکومت کے دل میں کبھی نہیں آیا۔


http://newageislam.com/urdu-section/’اقبال-سمّان’-کے-خلاف-بی-جے-پی-کی-مہم/d/1850

Wednesday, May 16, 2012

NewAgeIslam,Urdu Section ,محمد یونس کی طرف سے اسلامی رسومات میں ترمیم کی ضرورت پر ایم حسین صدر کے مضمون کا جواب

Urdu Section
محمد یونس کی طرف سے اسلامی رسومات میں ترمیم کی ضرورت پر ایم حسین صدر کے مضمون کا جواب
by محمد یونس، نیو ایج اسلام

قرآن ایسا کبھی نہیں کہتا ہے۔ جہاں تک قرآنی پیغام کا تعلق ہے تو یہ تقوی حاصل کرنے کے ایک ذریعہ کے طور پر روزہ رکھنے کا حکم دیتا ہے: اپنے نفس پر قابو پانا اور اپنے ضمیر کی جانب متوجہ ہونے کو پیدا کرنا ہے (2:183، 2:187)۔ اس کے لئے کسی جرمانہ یا سزا کی شق نہیں ہے اور جو نہ رکھ سکے وہ کم از کم ایکی غریب کو کھانا کھلا کر اسے چھوڑ سکتا ہے (2:183)۔ روزہ کو خدا کی عبادت کے ایک طریقہ کے طور پر بتایا گیا ہے جس میں ہدایت کے لئے خدا کا شکر ادا کیا جاتا ہے (2:185) قرآن مزید اعلان کرتا ہے کہ خدا لوگوں کے لئے آسانی چاہتا ہے اور لوگوں کے لئے مشقت نہیں چاہتا ہے (2:185)، اور اس وجہ سے روزے کی نوعیت پر انحصار کرتے ہوئے جو لوگ اسے بہت سخت پائیں وہ طے کر سکتے ہیں کہ روزہ رکھیں یا نہیں‑ اگرچہ قرآن کہتا ہے کہ روزہ رکھنا بہتر ہے(2:183)۔ اس طرح مصنف کا حوالے کے طور پر دیا گیا بیان گمراہ کن ہے۔---

http://newageislam.com/urdu-section/محمد-یونس-کی-طرف-سے-اسلامی-رسومات-میں-ترمیم-کی-ضرورت-پر-ایم-حسین-صدر-کے-مضمون-کا-جواب/d/7261