Pages

Showing posts with label حکم. Show all posts
Showing posts with label حکم. Show all posts

Saturday, June 16, 2012

عورت اور ان پر مردوں کی جھوٹی فضیلت: قسط 22 , Urdu Section, NewAgeIslam.com

عورت اور ان پر مردوں کی جھوٹی فضیلت: قسط 22

اور راجہ نے حکم دیا کہ زیور کے مالک کو تلاش کیا جائے۔ چنانچہ جو مسافروہاں سے گذرتے تھے ان کو وہ زیور بغرض شناخت دکھایا جاتاتھا ۔ اتقاق ایسا ہوا کہ رام چند جی کا گذر بھی اس عملداری میں ہو ا اور ان کے روبرو بھی وہ زیور پیش ہوا۔ انہوں نے فوراً وہ زیور پہچان لیا۔ مگر بغرض اطمینان اسے چھوٹے بھائی سے پوچھا کہ دیکھو تمہاری بھابھی کا ہی زیور ہے نا ؟ لکشمن کا جواب سننے کے قابل ہے؟انہوں نے کہا کہ پاؤں کا زیور توبے شک ان کا ہی ہے ۔میں اسے بخوبی پہچانتاہوں کیو نکہ میں ہمیشہ ان کی قدم بوسی کرتا تھا۔مگر کان کے زیور کی نسبت میں کچھ نہیں کہہ سکتا کیو نکہ میں ان کے چہرے پر اس دھیان سے کبھی نظر نہیں ڈالی کہ میں ان کا زیور شناخت کرسکوں ۔ اس فقرے سے لکشمن کا کیسا اعلیٰ درجہ کا اتقا پایا جاتا ہے اور اپنے پیارے بھائی کی آبرو اور ناموس کاکس قدر لحاظ ثابت ہوتا ہے ۔ بس یہ ہے پردہ ۔اور یہ ہے احسان ۔گار ے اینٹ کی دیواروں یا کپڑوں کے غلافوں کے پردے اصلی پردہ نہیں ہیں۔ہماری گزشتہ تقریروں پر چند شبہات پیدا ہونے ممکن ہیں۔ پس مناسب ہے کہ ان کو بھی بیان کردیا جاوے اور ان کا جواب دیا جاوے۔

شبہ اوّل:۔ جناب رسول خدا صلی اللہ علیہ وسلم نے فرمایا کہ کسی عورت کے پاس بغیر موجودگی کسی رشتہ اور محرم کے تنہا نہیں جانا چاہئے کسی نے پوچھا کہ کیوں حضرت شوہر کے بھائی کی نسبت آپ کا کیا خیال ہے آپ نے فرمایا کہ شوہر کا بھائی تو موت ہے پس اس حدیث سے جو متفق علیہ ہے یہ ثابت ہوتا ہے کہ عورت کا دیوار اور جیٹھ کے روبرو ہونا سخت گناہ کا کام ہے جس کو موت کے برابر قرار دیا ہے ۔

جواب اولا:۔ اس حدیث سے صرف رستہ دار محرم کی عدم موجودگی میں غیر محرم شخص کا کسی عورت کے پاس تنہا ئی میں جانا منع ہوا ہے لیکن جب کوئی رشتہ دار محرم موجود ہوتو اس کی موجودگی میں عورت کے لئے کسی غیر محرم کے روبرو ہونے کی ممانعت نہیں پائی جاتی ہے۔

http://newageislam.com/urdu-section/عورت-اور-ان-پر-مردوں-کی-جھوٹی-فضیلت--قسط-22/d/2149


Thursday, June 14, 2012

بیت المال اور مسلم معیشت, Urdu Section, NewAgeIslam.com

Urdu Section
بیت المال اور مسلم معیشت
زندگی کے جن شعبہ جات میں مسلمانوں نے دین کے احکامات پر عمل کیا،ان شعبہ جات میں اللہ نے ان کیلئے امن وعافیت رکھی اور جن شعبہ جات میں قوم نے دین کو نظر انداز کیا ،وہاں قوم ذلیل اور مغلوب ہوگئی ۔مثلاً نماز اور حج میں اگر ہم شریعت کے پابند رہے تو اللہ نے ہمارے لئے مسجدوں اور خانہ کعبہ میں امن وعافیت عطا کیا۔اس کے برخلاف جب ہم نے سیاسیات او رمعاشیات میں شریعت کو فراموش کیا تو اللہ نے ہمارے لئے دشو اریاں پیدا کردیں۔جب مسلمانوں نے شوریٰ کانظم ترک کردیا اور یہ سمجھا کہ سماجیات او رسیاسیات کا دین سے کچھ لینادینا نہیں ہے تو ہم سماجی اور سیاسی طور پر منتشر او ربے وزن ہوگئے ۔ آج ملک کے سماجی ڈھانچے میں مسلمان سب سے پچھڑی قوم ہے ۔ ملک میں کئی مسلمان مختلف سیاسی جماعتوں میں خاص مقام تو رکھتے ہیں مگر ہم قومی سطح پر ملی قائد سے محرو م ہوگئے ۔مالیات او رمعاشیات میں ہم نے بیت المال کے نظم کو فراموش کیا اور سود سے بچنے کی کوشش نہیں کی تو معاشی پسماندگی کےشکار ہوگئے اور ملک کے مالی نظام میں تو ہمارا کوئی وجود ہی نہیں رہا۔ مجموعی طور پر ہندوستان کے 31فیصد مسلمان سطح غربت کے نیچے زندگی گزار نے پر مجبور ہیں ۔ شہری علاقوں میں 20فیصد مسلمان بھی ملک کے اوسط معیار پر زندگی گزارنے کی حالت میں نہیں ہیں جب کہ مسلمانوں کا کل جمع شدہ رقم کا 29 فیصد ملک کی دیگر قوموں کے کام آرہا ہے ۔ معاشی یعنی روزی روٹی انسان کی بنیادی ضرورت ہے۔ اس ضرورت کو پورا کرنے کیلئے اللہ تعالیٰ نے (سورہ جمعہ) میں ارشاد فرما کر کمانے کا حکم دیا تاکہ لوگ خود کفیل بنیں اور اپنی ضرورتیں خود پوری کرنے کی کوشش کریں اور دوسرو ں کے سہارے جینے یاگدا گری کو ذریعہ معاش بنا کر عزت نفس پامال نہ کریں۔ دست سوال دراز کرنے سےاگرچہ قانوناً نہیں روکا گیا، لیکن حضورﷺ نے اوپر کا ہاتھ نیچے کے ہاتھ سے بہتر ہے (بخاری) کی تعلیم دے کر ہاتھ پھیلانے سے اخلاقاً رو ک دیا ۔آپ ﷺ بیعت کرتے وقت اس بات کی شرط رکھتے تھے کہ بیعت کرنے والا کسی سے سوال نہیں کرے گا ۔ اس کے ساتھ ہی آپ ﷺ نے مزدور کا ہاتھ چوم کر محنت مزدوری سے اپنی روزی کا انتظام کرنے والوں کی حوصلہ افزائی فرمائی ۔سماج میں ہمیشہ کچھ لوگ ایسے رہے ہیں جو کسی نہ کسی وجہ سے خود اپنی معاش کا انتظام نہیں کرسکتے ۔ جیسے لولے، لنگڑے ،اندھے ، اپاہج ، ضعیف ، یتیم ،بیوہ اور وہ لوگ جو کوشش کے باوجود اپنی روزی کا سامان نہیں کرپاتے۔ ان کی کفالت کا بارقوم کے سر پر ڈال دیا گیا۔
http://newageislam.com/urdu-section/بیت-المال-اور-مسلم-معیشت/d/1785